Polonia nis trajnimet ushtarake për qytetarët, synon 400,000 të trajnuar

Polonia ka nisur këtë muaj një program të ri trajnimi ushtarak, pjesë e një plani për të trajnuar rreth 400,000 qytetarë në vitin 2026, njoftoi Ministria e Mbrojtjes.

Programi, i quajtur "Në Gatishmëri" nga Ministri i Mbrojtjes Wladyslaw Kosiniak-Kamysz, do të jetë vullnetar dhe i hapur për të gjithë qytetarët – nga nxënësit, të rriturit, kompanitë deri te të moshuarit. Ai përfshin kurse bazike sigurie, trajnim për mbijetesë, mësime mjekësore dhe kurse mbi higjienën kibernetike.

Zëvendësministri Cezary Tomczyk tha se vetëm gjatë nëntorit dhe dhjetorit do të trajnohen rreth 20,000 persona, ndërsa gjatë gjithë vitit të ardhshëm synohet të trajnohen 400,000 persona në forma të ndryshme, përfshirë trajnime individuale, në grupe, si pjesë e "Arsimimit me Ushtrinë" dhe shërbimit ushtarak vullnetar të detyruar.

Kreu i Shtabit të Përgjithshëm të Polonisë, Wieslaw Kukula, theksoi se programi ka dy qëllime kryesore: të rrisë reziliencën e qytetarëve dhe komuniteteve, dhe të forcojë gatishmërinë dhe kapacitetin e rezervave.

Ky nismë u njoftua për herë të parë nga Kryeministri Donald Tusk në mars, si përgjigje ndaj shqetësimeve të sigurisë pas pushtimit të Ukrainës nga Rusia. (Burimi: Reuters)