Isak rikthehet në stërvitje te Liverpoolit

Liverpool mori një tjetër lajm pozitiv pas triumfit në Champions League ndaj Real Madridit.

Alexander Isak është rikthyer në stërvitje me skuadrën, tri javë pas dëmtimit muskulor që e la jashtë fushave në përballjen kundër Eintracht Frankfurtit. Sulmuesi suedez synon të jetë gati për duelin e madh të Premier League ndaj Manchester City-t.

Trajneri Arne Slot konfirmoi rikthimin e tij, por kërkoi durim për rikthimin e plotë të formës: “Rehabilitimi nuk është si një ndeshje apo stërvitje me grupin. Ka bërë progres të madh, por i duhet kohë për t’u rikthyer në ritmin maksimal.”

Slot dha edhe përditësime të rëndësishme për lojtarët e tjerë të dëmtuar:

Alisson Becker pritet të rikthehet menjëherë pas pushimit të kombëtareve.

Jeremie Frimpong do të qëndrojë jashtë edhe pas datës 22 nëntor, me rikuperimin që do të zgjasë përtej sfidës kundër Nottingham Forest.