Stadiumi i ri ka sjellë miliardat

Sipas “Diario AS”, rritja financiare e Real Madridit vazhdon të thyejë rekorde.

Klubi ka planifikuar të ardhura prej 1.248 miliardë eurosh për sezonin 2025-2026, shifra më e lartë e regjistruar ndonjëherë nga ndonjë organizatë sportive.

Kjo tejkalon 1.185 miliardë eurot e sezonit të kaluar, i cili u mbyll me një fitim prej 24 milionë eurosh, si dhe 1.073 miliardë eurot e sezonit 2023-2024.

Faktori kryesor i kësaj rritjeje është stadiumi i rinovuar “Santiago Bernabeu”.

Të ardhurat do të vijnë kryesisht nga aktivitetet e stadiumit, pa përfshirë koncertet që aktualisht janë në negociata.

Burimet kryesore të të ardhurave përfshijnë Sky Bar, Bernabeu Market, ndeshjet e NFL, parkun tematik të Krishtlindjeve, dhe Bernabeu Tour, i cili sezonin e kaluar gjeneroi 52.6 milionë euro.

Për krahasim, Muzeu Prado fitoi 27 milionë euro në vitin 2023.

Një pjesë e të ardhurave nga Kupa e Botës për Klube do të përfshihet gjithashtu në llogaritë e këtij viti, pasi Madridi e përfundoi atë turne në mesin e korrikut.

Pavarësisht eliminimit nga Liga e Kampionëve kundër Arsenalit, rritja e të ardhurave nga marketingu — nga 506 milionë në 539 milionë euro, thekson ndikimin gjithnjë e më të madh global të “Bernabeut”.