Kush do të jetë trajner i ri i Atalantës?

Ivan Juriç u shkarkua nga Atalanta pas rezultateve zhgënjyese në Serie A. Vetëm dy fitore në nëntë ndeshje dhe një krizë identiteti kanë bërë që drejtuesit të kërkojnë një rifreskim strategjik.

Rafaele Paladino është emri kryesor për të marrë drejtimin e skuadrës.

Marrëveshja paraprake është arritur dhe kontrata pritet të zgjasë deri në vitin 2027. Paladino do të përpiqet të rikthejë ekuilibrin dhe rezultatet pozitive, duke dhënë shpresë për një fazë të re në stolin e Bergamos.

Ky ndryshim vjen pas një periudhe të vështirë për Atalantën, ku edhe suksesi në Champions nuk mjaftoi për të kompensuar krizën në kampionat.

Tani pritet vetëm njoftimi zyrtar dhe nisja e një epoke të re, me shpresën se skuadra do të gjejë ritmin dhe stabilitetin e munguar.