Bie inflacioni vjetor në Gjermani

Norma vjetore e inflacionit në Gjermani ra në 2.3% në tetor, nga 2.4% në shtator, tha të mërkurën autoriteti federal statistikor Destatis.

Pas dy rritjeve të njëpasnjëshme në lidhje me çmimet e shërbimeve, norma e inflacionit ra pak në tetor, deklaroi Ruth Brand, drejtuese e Destatis.

Çmimet e energjisë ranë me 0.9% nga viti në vit, ndërsa çmimet e ushqimeve u rritën me 1.3%; norma e inflacionit pa përfshirë energjinë dhe ushqimin ishte 2.8%, shkruan AA.

Çmimet e shërbimeve u rritën me 3.5% gjatë së njëjtës periudhë, ndërsa çmimet e mallrave u rritën me 1.2%.

Në bazë mujore, norma e inflacionit ishte 0.3%.