Afrodita Salihi, në pritje të operimit: ZFK Koçani më ka lënë në harresë!
- Bota Sot
Afrodita Salihi, dy muaj me ligamentë të këputura, në pritje të operimit: ZFK ‘Koçani’ më ka lënë në harresë!
Njëra prej futbollisteve më të mira femra në Maqedoni, golashënuesja e shkëlqyer Afrodita Salihi, është në një situatë të palakmueshme, pasi pësoi një dëmtim serioz të ligamenteve.
Ajo edhe pse i dha gjithçka ZFK “Koçani”, duke e sjellë klubin në Ligën e Parë – pasi shënoi një shifër të pabesueshme prej 53 golash në Ligën e Dytë sezonin e kaluar dhe ishte padyshim golashënuesja më e mirë – ajo tani thotë se klubi e ka braktisur!
“Jam i zhgënjyer me klubin, dhe veçanërisht me drejtuesit, që pas lëndimit më harruan. Më lanë në ‘baltë’, edhe pse bëra gjithçka për Koçanin. Erdha të luaja dhe i ndihmova të ktheheshin aty ku duhet të ishin dhe aty ku i përkasin – në Ligën e Parë.
Kur u tërhoqa nga reprezentacioni, vendosa të mos luaja më futboll, por më telefonuan nga Koçani dhe më kërkuan të ndihmoja.
Meqenëse kam kujtime të bukura për këtë klub dhe qytetin e Koçanit, pranova menjëherë.
U lëndova gjatë paraqitjeve në Ligën e Parë – këputa ligamentet. Tani që nuk më duhen më, deri më sot askush nuk më ka pyetur si jam, ose nëse kam nevojë për diçka.
E vetmja gjë që kërkova ishte, nëse asgjë tjetër, të paktën të sigurohej një mjek për të shpejtuar operacionin”, tha Salihi.
Afrodita Salihi ka mbi 100 paraqitje edhe për Maqedoninë e femrave në futboll.
