Pritje madhështore për Messin dhe shokët e tij të skuadrës

Lionel Messi dhe ekipi kombëtar i Argjentinës u pritën në mënyrë madhështore në Luanda, Angolë, përpara një ndeshjeje miqësore speciale e cila do të zhvillohet sot në orën 17:00.

Tifozët shtruan tapetin e kuq për yllin argjentinas.Eventi u organizua nga shteti i Angolës, me një buxhet të vlerësuar prej 12 milionë eurosh, duke u dhënë vendasve mundësinë ta shihnin Messin drejtpërdrejt. Të enjten në mbrëmje, shumë qëndruan zgjuar deri vonë për të parë 38-vjeçarin ndërsa ai mbërriti në hotel.

Ndeshja do të luhet sot në stadiumin 11 de Novembro, i cili mund të presë gati 50,000 spektatorë.

Ky stadium po feston 50-vjetorin e pavarësisë së Angolës. Historikisht, Angola dhe Argjentina janë përballur vetëm një herë, më 30 maj 2006, në Salerno, Itali, përpara Kupës së Botës në Gjermani. Argjentina fitoi 2-0, me Mesin që hyri në lojë në minutën e 68-të.