U la jashtë listës nga Sylvinho, ish-i i Superiores reagon papritur

Kombëtarja shqiptare ia doli që për herë të parë në histori të kualifikohej në “play-off” të Botërorit.

Fitorja e mbrëmjes së djeshmë në transfertë përballë Andorrës me shifrat 0-1, solli këtë arritje historike.

Ndërkohë që për këtë kualifikim ka reaguar edhe Taulant Seferi. Pavarësisht se për duelet e fundit kualifikuese të Botërorit 2026, u la jashtë nga trajneri Sylvinho, sulmuesi nga Kumanova e ka zemrën në Shqipëri.

Ai ka publikuar në rrjetin social “Instagram”, një foto të cilën e ka postuar FSHF në faqen zyrtare. 

“Jemi në play-off”, shkruhet në postimin e ripublikuar nga ana e sulmuesit, Seferi.