Zelensky thirrje aleatëve: Ukrainës i duhet më shumë mbrojtje ajrore

Presidenti Volodymyr Zelensky ka rinovuar thirrjen e tij drejtuar partnerëve ndërkombëtarë që të rrisin mbështetjen për Ukrainën me sisteme mbrojtjeje ajrore, pasi sulmet ajrore ruse shkaktuan vdekjen e shtatë personave në Kiev.

“Ukraina ka nevojë për mbështetje për të shpëtuar jetë njerëzish: më shumë sisteme të mbrojtjes ajrore, kapacitete më të mëdha mbrojtëse dhe më shumë vendosmëri nga partnerët tanë”, deklaroi ai në një postim në rrjetet sociale.

Zelensky njoftoi gjithashtu se është arritur një marrëveshje mes Ukrainës dhe Francës për “një forcim të rëndësishëm të aviacionit luftarak, të mbrojtjes së qiellit dhe të kapaciteteve të tjera mbrojtëse”.

“Kjo është ajo që e ndihmon vërtet Ukrainën të mbrohet dhe të arrijë objektivat dhe detyrat tona”, theksoi presidenti ukrainas në një video të publikuar në rrjetet sociale.