Tchouameni: Jam përmirësuar shumë në disa aspekte më ardhjen e Alonsos

Në një intervistë të gjatë në numrin e sotëm të L’Equipe, mesfushori i Real Madridit, Aurelien Tchouameni, vlerësoi punën e Xabi Alonsos, një trajner që ka qenë vendimtar për zhvillimin e tij në fushë: “Që nga dita e parë, patëm video-konferenca, vetëm ne të dy.

Ai më tregoi pamje nga sezoni, duke u përqendruar te pozicionimi, çfarë mund të përmirësoj, çfarë mund të ndërtoj mbi të. Pozicionimi, loja me dhe pa top.

Që nga fillimi i sezonit, kam ndjerë se jam përmirësuar në disa aspekte.

Pozicionimi me topin, loja përpara, pozicionimi në mesfushë.

Mund të vraposh shumë, por duhet të dish edhe si të vraposh në mënyrë efikase.

Ndonjëherë nuk duhet shumë përpjekje për të marrë topin në pozicionin e duhur dhe humb më pak energji’, deklaroi Tchouameni.