Conte rikthehet në stërvitje

Antonio Conte është rikthyer ditën e djeshme në “Kastel Volturno” për të rifilluar drejtimin e stërvitjeve me Napolin, pas një jave pushimi dhe heshtjeje totale. Kthimi i tij vjen pas humbjes së dhimbshme të ekipit në Bolonja, një disfatë që trajneri e ka marrë shumë seriozisht dhe që ka tensionuar marrëdhëniet brenda skuadrës.

Disa lojtarë, veçanërisht veteranët, janë ndjerë të sfiduar nga metodat strikte dhe kërkesat e larta të Kontes.

Gjatë javës së kaluar, stërvitjet janë udhëhequr nga zëvendësi Kristian Stellini, ndërsa Konte ka qëndruar larg për të bërë reflektimin e tij dhe për të dhënë mesazhin e qartë mbi disiplinën.

Stili i tij “gjenerali të hekurt” shpesh ka shkaktuar debate brenda ekipit, veçanërisht në një sezon me angazhime të shumta dhe lodhje fizike. Edhe disa dëmtime të lojtarëve janë interpretuar si pasojë e intensitetit të stërvitjeve nën udhëheqjen e tij. Konte nuk ka ndërmend të bëjë kompromise: kërkon që secili lojtar të përshtatet me mënyrën e tij të punës dhe të respektojë rregullat e tij. Në ditët e ardhshme, ai pritet të zhvillojë biseda individuale me lojtarët për të rivendosur disiplinën dhe për të rikthyer besimin e ekipit. Presidenti Aurelio De Laurentis e mbështet plotësisht dhe i ka dhënë lirinë për të marrë vendimet e nevojshme.

Ai ka premtuar gjithashtu investime të reja në merkato për të forcuar skuadrën.

Strategjia e Contes synon që të rikthejë kontrollin mbi grupin dhe të ndihmojë ekipin të marrë rezultate pozitive.

Trajneri do të flasë publikisht përsëri ditën e premtes, në prag të ndeshjes me Atalantën. Gjithashtu, pritet që të rishikojë skemat taktike dhe rolet e lojtarëve në fushë. Shtimi i intensitetit në stërvitje dhe disiplinimi i grupit janë konsideruar thelbësorë për suksesin e ardhshëm. Konte është i vendosur që të ruajë standardet e larta dhe të mos lejojë kompromise në nivel profesional. Loja e ekipit dhe performanca individuale do të jenë objekt i vlerësimit të tij të vazhdueshëm. Për trajnerin, rikthimi i tij nuk është thjesht fizik, por edhe strategjik për të siguruar stabilitet dhe rezultate.