Karim Adeyemi, objektiv i gjigantit italian
- Bota Sot
Karim Adeyemi i Borussia Dortmundit duket se në afatin kalimtar të janarit, mund të transferohet në Itali.
Sipas “Bild”, sulmuesi anësor i Borussia Dortmund, mund t’i bashkohet Interit në afatin e dimrit.
22 vjeçari i njohur për shpejtësinë dhe driblimet e tij, mund të jetë profili ideal për plane të reja të zikaltërve.
Adeyemi më herët kishte qenë shumë pranë një transferimi te Juventusi, veçanërisht në periudhën kur Thiago Motta sapo ishte ulur në stolin bardhezi.
Megjithatë, ajo lëvizje nuk u konkretizua, duke e lënë të hapur mundësinë që tregu i janarit të sjellë një destinacion të ri për të.
Drejtuesit e Interit thuhet të jenë të vendosur t’i ofrojnë trajnerit Cristian Chivu një lojtar anësor që të sjellë eksplozivitet në fazën ofensive.
Klubi po kërkon një futbollist të aftë të krijojë rrezik individualisht, një profil që i ngjan shumë atij të Ademola Lookman, i cili ka spikatur me lëvizjet e tij dinamike në Serie A.
Interi synon të forcojë edhe më tej krahët e sulmit për të vazhduar ritmin konkurrues në kampionat dhe Champions League.
Nëse negociatat avancojnë, Adeyemi mund të bëhet një nga lëvizjet më të bujshme të afatit kalimtar të janarit.
