Arteta jep përditësimin e gjendjes fizike para Tottenhamit:

Trajneri i Arsenalit, Mikel Arteta, ka konfirmuar se Gabriel Magalhães do të mungojë për disa javë pasi pësoi një dëmtim në kofshë gjatë grumbullimit me kombëtaren e Brazilit.

“Po, Gabi fatkeqësisht ka marrë një dëmtim dhe do të jetë jashtë për disa javë,” deklaroi Arteta.

“Të mërkurën e ardhshme do të kryejmë një skaner tjetër dhe atëherë do të kemi një ide më të qartë për kohën e rikuperimit.”

Ndërkohë, Riccardo Calafiori nuk është rikthyer ende në stërvitje me ekipin, pasi u tërhoq herët nga grumbullimi i Italisë për shkak të problemeve fizike.

“Po, ai nuk ishte i disponueshëm. Ka pasur disa shqetësime dhe duhej ta sillnim menjëherë. Nuk është stërvitur ende; kemi një seancë nesër, kështu që do të shohim,” shtoi trajneri i Arsenalit.

Arteta gjithashtu la të kuptohet se disa nga lojtarët e tjerë të dëmtuar mund të rikthehen për ndeshjen e së dielës kundër Tottenhamit, edhe pse nuk përmendi emra konkretë.

“Kemi investuar shumë energji për t’i rikthyer sa më shpejt që të jetë e mundur,” tha ai. “Nesër do të kemi më shumë qartësi. Jam optimist që nesër do të hedhim një hap tjetër përpara".