Spalletti e qorton Edon Zhegrovën pas reagimit të tij! Ja arsyeja

Futbollisti Edon Zhegrova vazhdon të përballet me vështirësi për të siguruar një vend të qëndrueshëm në formacionin e Juventusit.

Sulmuesi nuk mori asnjë minutë loje në ndeshjen kundër Fiorentinës, duke shkaktuar reagime të shumta nga mediat dhe tifozët në Kosovë dhe Itali.

Sipas raportimeve nga gazetari italian Dario Pellegrini, Zhegrova u qortua nga trajneri Luciano Spalletti para ndeshjes.

Kjo ndodhi pas një incidenti gjatë ngrohjes, ku sulmuesi nga Kosova u pa i acaruar nga thirrjet e tifozëve vendas.

Zhegrova iu drejtua publikut për t’u përgjigjur me një gjest, gjë që nuk i pëlqeu Spallettit. Trajneri italian e qortoi atë për reagimin e tij, duke theksuar se nuk është e pranueshme që lojtarët të reagojnë ndaj tifozëve në këtë mënyrë.

Ky moment ka ngjallur disa diskutime, pasi Zhegrova ka ende sfida për të fituar besimin e plotë të trajnerit dhe për të marrë një vend të rregullt në ekipin e Juventusit.