Juventusi sfidon të ftohtin dhe fushën

Juventusi po përgatitet për fitoren e parë evropiane të sezonit.

Sot në mbrëmje në orën 21:00 bardhezinjtë do të luajnë në stadiumin “Aspmyra” në Bodø për tu përballur me Bodø/Glimt në ndeshjen e javës së 5-të të fazës së Ligës së Kampionëve.

Kjo është një ndeshje që Spalletti e konsideron tashmë vendimtare për fushatën e tyre evropiane.

Juventusi shkon në veri: temperaturat e ftohta dhe fushat sintetike janë kërcënimet e para.

Pasi barazoi 1-1 kundër Fiorentinës në kampionat, skuadra e Spallettit tani duhet të përballet me mjedisin norvegjez: mot të ashpër, bar artificial dhe një skuadër, Bodø/Glimt, që e ndërton pjesën më të madhe të forcës së saj në shtëpi.

Juventusi ka grumbulluar tre pikë deri tani, falë tre barazimeve (kundër Borussia Dortmund, Villarreal dhe Sporting) dhe një humbjeje kundër Real Madridit në “Bernabeu”.

Norvegjezët gjithashtu janë ende duke kërkuar fitoren e tyre të parë, pas dy barazimeve dhe dy humbjeve.

Spalletti dhe të besuarit e tij duhet të përballojnë edhe të ftohtin, ku tekniku deklaroi: “Pata mundësinë dhe kënaqësinë të luaja në këto fusha gjatë karrierës sime si lojtar.

Për ata që janë mësuar me këto temperatura, është ndryshe, sepse janë mësuar të thithin këtë ajër të ftohtë, këtë ajër therës që të dhemb sytë.

Në të njëjtën kohë, një sfidë si kjo është gjithashtu emocionuese sepse duhet të provosh se mund të përshtatesh me çdo situatë dhe të menaxhosh vështirësitë”.