Francezi mburret pas fitores kundër PSG-së

Pak nga pak dhe pa u nxituar, Pol Pogba po rifiton ekuilibrin. Ishte një udhëtim i gjatë dhe i mundimshëm pas pezullimit për shkak të dopingut, derisa fituesi i Kupës së Botës 2018 u rikthye të shijonte futbollin me një kontratë verore te Monako.Dhe mbrëmë kundër PSG-së, ai bëri paraqitjen e tij të dytë me fanellën bardh e kuq, të parën para tifozëve të tij në shtëpi.

Pas gjashtë minutave të tij kundër Ren ai luajti pesë minuta kundër parisienëve dhe kampionëve të Europës, të cilët u mposhtën çuditërisht 1-0 në Stade Louis II.

I entuziazmuar në fund të ndeshjes, Pogba iu afrua tifozëve në tribuna për të brohoritur dhe duartrokitur. Në një sekuencë të kapur nga kamerat e beIN Sports, ish-lojtari i Juventusit mund të shihet duke u ankuar ndaj turmës, duke kërkuar më shumë mbështetje nga tifozët, të cilët nuk njihen saktësisht si më entuziastët në Ligue 1.

“Sot (dje) është e rëndësishme, fituam. Por edhe ndeshjet e ardhshme do të jenë të rëndësishme. Do të vazhdojmë të gjithë së bashku, nuk do të dorëzohemi”, deklaroi Pogba.

Para se të përsëriste: ” Dëgjoni, duhet të krijojmë më shumë atmosferë!

” Dhe mesazhit të dërguar tifozëve, një nga udhëheqësit në tribuna iu përgjigj: “Mos u shqetësoni, ne kemi krijuar atmosferën për 30 vjet. Nuk kemi nevojë ta bëjmë vetëm sonte, ne kemi krijuar atmosferën për 30 vjet, shoku! Tani, djersisni fanellën, djema!”