Roma interesohet për Chiesan

Roma kanë eksploruar një lëvizje të mundshme për sulmuesin e Liverpoolit, Federico Chiesa, por prioriteti i lojtarit aktualisht është të qëndrojë te klubi i Premierligës, sipas “Il Tempo” përmes “SiamoLaRoma”.

Raporti tregon se drejtori sportiv i Romës, Ricky Massara, ka bërë një sondim për të kuptuar qëllimet e ish-lojtarit të Juventusit dhe kërkesat e Liverpoolit.

Chiesa, i cili ka vuajtur së fundmi nga mungesa e minutave, preferon të qëndrojë në “Anfield” për momentin.

Megjithatë, situata është e lëvizshme.

Raporti thekson se “situata mund të ndryshojë” mes tani dhe merkatos së janarit.

Duke qenë se ai ka rënë jashtë planeve të menjëhershme të Kombëtares së Italisë, dhe me ndeshjet play-off të Kupës së Botës në mars, Chiesa mund të vendosë të kërkojë një klub ku mund të luajë rregullisht.

Ashtu si në ndjekjen e Joshua Zirkzee, Roma mund të ofrojë vetëm një huazim me opsion blerjeje, gjë që e komplikon negociatat si për Chiesan e Liverpoolit, ashtu edhe për Zirkzeen e Manchester Unitedit.