Çmimi për Sportistin e Vitit: Në garë Bardhi, Rustemovski, Trajkovski, Egorov…

Ministria e Sportit e Maqedonisë së Veriut ka shpallur nominimet për Sportistin e Vitit, ceremonia është caktuar për 18 dhjetor.

Në kategorinë e meshkujve për të rritur, të nominuarit janë: kapiteni i ekipit të futbollit Enis Bardhi, boksieri Alen Rustemovski, kikboksieri Stefan Mihajlovski, atleti Andreas Trajkovski dhe mundësi Vladimir Egorov.

Ndërsa në kategorinë e femrave, do të garojnë: karateistja Angela Mojsovska, kampionia e fitnesit dhe bodybuildingut Katerina Popeva, futbollistja Aleksandra Markovska, mundësia e xhiu-xhitsu Katerina Acevska dhe kampionia e sportit të vallëzimit Sashka Kolevska.

Të nominuarit për Trajnerin e Vitit janë: Magomed Ibragimov (mundje), Metodija Angelevski (not), Kiril Lazarov (hendboll), Dejan Mitrovski (kikboks) dhe Kristijan Kajçevski (atletikë).