Dilema e Nuhiut

Për bardheblutë, takimi me Partizanin këtë javë është shumë më tepër se një ndeshje normale. Pas humbjes turpëruese 6-2 ndaj Dinamos, Tirana ndodhet në një situatë delikate në tabelë dhe kërkon me çdo kusht tri pikët për të rikthyer moralin tek lojtarët dhe tifozët.

Pritet që bardheblutë të bëjnë vetëm një ndryshim në formacion, me Ndong në vend të Ismajlit, ndërsa rikthime të mundshme mund të jenë edhe ato të Dembelës dhe Solerit, por kjo do të konfirmohet vetëm pak para fillimit të ndeshjes. Ky lëvizje strategjike synon të rrisë cilësinë në mesfushë dhe të sjellë ekuilibrin e munguar në ndeshjet e fundit.

Trajneri Ardian Nuhiu, pas humbjes së dhimbshme ndaj Dinamos, nuk ka kursyer kritikat ndaj lojtarëve të tij, por edhe vetes. “Drejtuesit duhet të na përzënë të gjithëve për atë që kemi treguar. Të na vijë turp të gjithëve”, është shprehur Nuhiu gjatë analizës pas ndeshjes, duke nxjerrë në pah nevojën për përgjegjësi dhe disiplinë maksimale në fushë.

Ky mesazh tregon qartë se stafi teknik nuk do të tolerojë më paraqitje të dobëta dhe se çdo lojtar duhet të japë maksimumin. Formacioni i mundshëm për këtë ndeshje, sipas analizave të fundit, është në portë Tafas. Në mbrojtje Vera, Lleshi, Valerianos e Ndong.

Në mesfushë Rafael, Meta, Zhunior dhe në fund Haxhiu, Tabeku Fernandez në repartin e avancuar.

Ky formacion synon të sjellë stabilitet dhe kreativitet në lojën e Tiranës, duke përfshirë lojtarët kyç në mesfushë dhe sulm për të krijuar shanse dhe për të goditur që në fillim mbrojtjen kundërshtare. Për tifozët bardheblu, ky derbi nuk është thjesht një ndeshje, është një mundësi për të parë një ndryshim të qartë në ekip pas disa javëve të vështira.

Pas humbjes me Dinamon dhe mungesës së fitores në disa ndeshje, kjo sfidë paraqet një provë karakteri për lojtarët dhe një mundësi për të rikthyer besimin dhe entuziazmin e tifozëve në stadium.