Kudus: Dua trofe me Tottenhamin

Sulmuesi i Tottenham Hotspur, Mohammed Kudus, është i vendosur të fitojë trofe që në sezonin e tij të parë me klubin londinez.

Ai u bashkua me Tottenhamin pas triumfit në Europa League dhe tashmë shikon përpara me ambicie të mëdha.

“Akoma po mësohem me gjithçka. Edhe pse kërkesat janë të larta dhe nuk ka shumë kohë, duhet të performosh menjëherë kur bashkohesh me një klub të madh, sepse kjo është liga

. Me ndihmën e stafit, trajnerit dhe shokëve të skuadrës, jam përshtatur mbarë deri tani, por ka ende shumë për të bërë dhe për të treguar, si si ekip, ashtu edhe individualisht”, tha Kudus.

Kur u pyet se çfarë duhet të dëshmojë për të treguar nivelin e tij, ai shtoi:

“Të fitoj një trofe me klubin. Ka presion për të fituar çdo ndeshje, veçanërisht kur luan për një klub të madh si Tottenham.

Fitorja e së shtunës ishte një stimul i mirë, dhe faleminderit tifozëve për mbështetjen – ne jemi të gjithë bashkë. Duhet ta ndërtojmë këtë moment dhe të japim maksimumin edhe nesër.”

Kudus duket i motivuar dhe i fokusuar për të ndihmuar Tottenhamin të arrijë sukses edhe në Champions League, duke treguar se ambiciet e tij personale përputhen me ato të klubit.