Mbrëmje e madhe në Champions, vëmendja në "Bernabeu"

Sonte Liga e Kampionëve vazhdon me një program të mbushur me ndeshje, ku skuadrat më të mëdha të kontinentit zbresin në fushë në fazën e ligës. Nga ora 18:45 hapet mbrëmja me dy duele: Qarabag – Ajax dhe Villarreal – FC Copenhagen, ndërsa pjesa më e madhe e emocioneve nis nga ora 21:00, kur në fushë hyjnë emrat më të mëdhenj të garës.

Athletic Bilbao pret Paris Saint-Germain në një ndeshje që premton intensitet, ndërsa Bayer Leverkusen kërkon të ruajë ritmin e lartë kundër Newcastle. Benfica dhe Napoli zhvillojnë një duel direkt që mund të peshojë shumë në renditjen përfundimtare. Në Belgjikë, Club Brugge pret Arsenalin, ndërsa Dortmund përballet me Bodo/Glimt në “Signal Iduna Park”. Juventus do të sfidohet nga Pafos, një test i rëndësishëm për bardhezinjtë për të ruajtur stabilitetin e tyre.

Por gjithë fokusin e natës e merr superballafaqimi në “Santiago Bernabéu”, aty ku Real Madrid pret Manchester Cityn. Një përballje që tashmë është kthyer në një klasike moderne të futbollit evropian, duke ofruar çdo vit histori të reja, spektakël dhe gola. Real Madridi kërkon të shfrytëzojë avantazhin e fushës dhe përvojën në këtë garë, ndërsa Manchester City mbërrin me synimin për të dhënë një tjetër deklaratë force dhe për të konfirmuar statusin e favoritëve për titull.

Ky duel pritet të dominojë mbrëmjen, ndërsa pjesa tjetër e ndeshjeve kompleton një natë të pasur, e cila mund të ndryshojë jo vetëm renditjet, por edhe pritet për garën që vazhdon të jetë më e forta në botën e klubeve.