Chivu: Gjyqtari e pa atë penallti

Trajneri i Interit, Cristian Chivu, u shpreh i zemëruar pas humbjes 0-1 ndaj Liverpool në Champions League, ndeshje e vendosur nga një 11–metërsh në minutat e fundit.

Chivu tha se penalltia ishte një vendim që nuk meritonte të jepte aq shumë pasoja. Sipas tij, Felix Zwayer, arbitri i takimit, ishte në pozicion të mirë për ta parë situatën, por përsëri nga VAR u vendos penalltia për një tërheqje të vogël të fanellës në zonë të ndodhur në minutën 88.

Për më tepër, Chivu theksoi se skuadra e tij vuajti shumë nga dy lëndimet e rëndësishme në pjesën e parë ku lojtarët Hakan Çalhanoğlu dhe Francesco Acerbi u detyruan të dilnin nga fusha, gjë që e vështirësoi ndjeshëm takimin.

Ai beson se përsa i përket zhvillimit të ndeshjes, barazimi do të kishte qenë rezultati më i drejtë, duke shtuar se Interi luftoi deri në fund por, sipas tij, nuk u shpërblye.

Chivu gjithashtu u shpreh se, pavarësisht zhgënjimit, skuadra duhet të përqendrohet tek pjesët pozitive dhe të mësojë nga këto momente.