Dilema për Muçin

Ernest Muçi po shkëlqen me Trabzonsporin ku në tri ndeshje ka shënuar pesë gola.

Mesfushori i Kombëtares shqiptare është i huazuar nga Beshiktashi, ndërsa mbetet për t’u parë a do të paguhet që t’i blihet kartoni.

Presidenti i Trabzonsporit, Ertugrul Dogan, është pyetur sa i përket Muçit.

Dëshira e trajnerit Fatih Teke deri tani është që t’i blihet kartoni, megjithatë Dogan tregohet i durueshëm duke treguar se do të pritet deri në fund të sezonit.

“Muçi, ashtu siç kam thënë më herët, është një lojtar që ekipi ynë i skautëve e kishte vëzhguar, por nuk e morëm dot për shkak të kostos. Ne bëmë një ofertë më të ulët.

Edhe Fatih Teke e kërkoi dhe ngulmoi për këtë çështje, ndaj e morëm në formë huazimi. Në fund të sezonit, nëse stafi teknik thotë që ta marrim, do ta marrim. Përndryshe nuk do të veprojmë. Në fund të fundit, do t’i pyesim ata.

Shifrat janë të qarta. Shumat që ka paguar Trabzonspori…”, u shpreh presidenti i Trabzonsporit.