Brdariç debuton me fitoren në pankinën e Drenicës! Ferizaj thellohet në krizë

Thomas Brdariç ka debutuar me fitore në pankinën e Drenicës së Skenderajt.

Drenica me kryetrajner të ri kthehet në rrugën e fitoreve, duke e mposhtur Ferizajn me rezultat 2:1, në ndeshjen e javës së 17-të të elitës së futbollit të Kosovës.

Ferizajt i komplikohen punët në fund të pjesës së parë përkatësisht nga minuta e 42-të, futbollisti Avduli përjashtohet me karton të kuq.

Ferizaj avancoi, por kjo epërsi u përmbys nga vendasit. 

Për Drenicën shënuan Topallaj (16 - autogol), Uka (30) dhe për Ferizajn Sadriu (4).

Drenica është në vend të tetë me 20 pikë e Ferizaj në 9-tin (i parafundit) me 16 pikë të mbledhura.

Në javën e ardhshme Drenica do të luajë me Prishtinën dhe Ferizaj e pret Llapin.