Skuka flet pas çmimit

Partizani ka fituar në shtëpi përballë Flamurtarit, në ndeshjen e vlefshme për javën e 16-të të Superiores.

Sfida e zhvilluar në stadiumin “Arena e Demave”, përfundoi me shifrat 2:1.

Pas këtij dueli ka folur "Lojtari i Ndeshjes", autori i golit të dytë Xhuliano Skuka. 

“Të gjithë e prisnin këtë trofe.

Tifozët dhe ekipi jemi të gjithë një, motiv më shumë për të vazhduar.

E thashë edhe javën tjetër pas derbit, s’është Partizani që të gjithë presin, unë i pari. Jemi në rrugën e duhur, do të ketë përmirësim akoma. Po vazhdoj të punoj, po flisja me trajnerin.

Kam qenë pak i mërzitur që s’luaja, por i shkon një bravo e madhe profesorit, është ideja e tij kjo lëvizje (për të mos e nisur titullar).

 Ai është i pari, do bëjmë çfarë thotë ai. Unë isha kapiten i Partizanit në Evropë, erdhën trajnerët më ulën në stol, s’kam bërë gjë të keqe, kam ulur kokën e kam punuar dhe jam këtu sot.

Gati për 90 minuta? Unë gati jam, por besoj edhe pak. Duhet pak durim”, tha Skuka.