Reagon ashpër sekretari i Llapit, ankohet në gjyqtarin Bujar Selimaj

Një javë më parë, në ndeshjen e Llapit ndaj Gjilanit, kartoni i kuq ndaj Axel Gnapit nxiti një reagim të ashpër të trajnerit Tahir Batatina, i cili madje thuhet se është përplasur edhe fizikisht me gjyqtarin Egzon Dakaj.

Ende pa u sqaruar kjo situatë me gjyqtarin Dakaj, Llapit i ka dalë ‘problem’ edhe me një tjetër gjyqtar.

Bëhet fjalë për gjyqtarin Bujar Selimaj, për të cilin tash u ankua ashpër në rrjetet sociale sekretar i Llapit, Muhamet Rexhepi.

“Ku është offside këtu? Përsëri të dëmtuar, kësaj radhe nga Bujar Selimaj.

A thu pse duhet të vazhdojë kjo çdo ndeshje ndaj KF Llapi, ku një gol i rregullt anulohet për offside?”, shkruan Rexhepi në “Facebook”.

Ndeshja Llapi – Malisheva përfundoi pa gola, e cila u luajt sot në stadiumin “Zahir Pajaziti” në Podujevë.

Llapi është momentalisht i shtati me 21 pikë, derisa Malisheva është e katërta me 26 pikë.