Arrestohet një 24-vjeçar në Kukës, ishte në kërkim ndërkombëtar nga autoritetet e Kosovës
- Gazeta e Prizrenit
Një 24-vjeçar, i shpallur në kërkim ndërkombëtar nga autoritetet e Kosovës është arrestuar në Kukës.
Në vijim të punës për lokalizimin, kapjen dhe ndalimin e shtetasve të shpallur në kërkim, shërbimet e Komisariatit të Policisë Kukës, në bashkëpunim me Sektorin e Forcës Operacionale Kukës, bazuar në informacionet e siguruara në rrugë operative, lokalizuan, kapën dhe arrestuan me qëllim ekstradimin në Kosovë, shtetasin:
S. Ç., 24 vjeç, banues në fshatin Borje.
Ky shtetas ishte shpallur në kërkim ndërkombëtar, pasi Gjykata Themelore e Prizrenit i ka caktuar masën e sigurisë “Arrest në burg”, për veprën penale “Vjedhja e rëndë”.
Interpol Tirana, në bashkëpunim me homologët në Kosovë, do të kryejë procedurat për ekstradimin e 24-vjeçarit.
