Gimenezi po e konsideron operacionin në kyçin e këmbës

Santiago Gimenez ende nuk është më afër rikthimit tek AC Milan pas gjashtë javësh nga një dëmtim në kyçin e këmbës, dhe raportohet se mund të ketë nevojë për operacion.

Reprezentuesi i Meksikës nuk ka luajtur që nga momenti kur u tërhoq i dëmtuar gjatë ndeshjes së Serie A ndaj Atalantës më 28 tetor.

Me kyçin e tij kishte pasur probleme edhe gjatë verës, gjatë ndeshjeve me Gold Cup për përfaqësuesen, dhe javët kanë kaluar pa përparim të dukshëm nga trajtimi konservativ.

Gimenez ka udhëtuar përsëri në Holandë, ku kishte punuar më parë me Feyenoord, për një konsultë specialisti.

Sipas “MilanNews.it”, ekziston një mundësi e qartë që ai të nënshtrohet një operacioni për të zgjidhur këtë problem një herë e mirë.

Me Kupën e Botës 2026 që do të mbahet verën e ardhshme në Meksikë, SHBA dhe Kanada, ai duhet ta marrë parasysh këtë, përveç karrierës së tij të vështirë në “San Siro”.

Ndërkohë, Gimenez nuk do të jetë pjesë e skuadrës së Milanit që udhëton nesër për në Riad për Superkupën Italiane, ku ata do të përballen me Napolin të enjten në gjysmëfinale.

Matteo Gabbia gjithashtu do të mbetet jashtë për shkak të një problemi me gju, edhe pse nuk ka lezione të rënda.

Rafael Leao dhe Youssouf Fofana pritet të udhëtojnë dhe të jenë të paktën në stol.