Gjyqtarët? Presidenti i Lazios drejton gishtin nga tifozët: Qeni gjithmonë kafshon të varfërit

Presidenti i Lazios, Klaudio Lotito në prag të darkës së Krishtlindjeve foli për situatën aktuale të bardhekaltërve si dhe për tifozët.

“Të gjitha thashethemet që përshkruajnë një klub në vështirësi financiare janë të rreme, të anshme dhe të përhapura qëllimisht nga ata që nuk kuptojnë asgjë për pasqyrat financiare dhe nuk kanë interes për ekipin tonë”, shtoi Lotito, duke përsëritur soliditetin e klubit.

“A ndihen tifozët të tradhtuar? Unë jam ai që është tradhtuar sepse gjithmonë kam punuar vetëm për Lacion. Lacio është i pathyeshëm, për fat të keq ata do të duhet të më durojnë. Nuk është se nëse ata këndojnë kundër meje ose ushtrojnë presion mbi mua, unë do ta shes klubin. Nëse do të ndodhë diçka, ata do të jenë ata që duhet të tërhiqen. Unë jam një sipërmarrës dhe jetoj jashtë Lacios, jo ata.”

Lideri i Lavios thekson më pas se: “Nuk e krijova unë klimën e tensionit, dikush e bëri. Kjo klimë po dëmton Lacion, por do të dëmtojë edhe vetë njerëzit që e krijojnë atë”, vazhdon ai.

Së fundmi, një koment për gjyqtarët: “Kushdo që shikon ndeshjet e kupton se çfarë po ndodh. Dhe kjo është gjithashtu përgjegjësi e tifozëve sepse ata nuk janë të bashkuar, qeni gjithmonë kafshon të varfërit “, përfundon ai.