Garë e fortë për Guehin

Mbrojtësi i Crystal Palace, Marc Guéhi, është shndërruar në një nga mbrojtësit më të kërkuar në Europë pas dështimit të transferimit të tij te Liverpool, çka e bën atë të lirë të nënshkruajë një parakontratë pa pagesë pas dy javësh.

Edhe pse Liverpool është parë si favorit për firmën e tij, “The Reds” kanë pësuar një goditje në këtë garë.

Guéhi, 26 vjeç, është një nga disa mbrojtësit e profilit të lartë që do të jenë lojtarë të lirë verën e ardhshme, së bashku me Ibrahima Konaté dhe Dayot Upamecano.

Si Real Madridi ashtu edhe Barcelona janë përmendur si të interesuara muajt e fundit, ndërsa drejtori sportiv i Barcelonës, Deco, e ka cilësuar së fundmi si një “lojtar të mirë”, por ka refuzuar të zgjerohet më tej mbi këtë temë.

Sipas Indykaila, agjenti i Guéhit ka udhëtuar të mërkurën për t’u takuar me përfaqësuesit e Liverpoolit dhe për të diskutuar më tej një transferim të mundshëm.

Guéhi ka refuzuar kushtet e mëparshme të rëna dakord në gusht për një lëvizje, i vetëdijshëm se si lojtar i lirë verën e ardhshme mund të përfitojë një bonus të madh nënshkrimi. Liverpool kishte planifikuar të tentonte afrimin e tij në muajin janar.

Përveç Barcelonës dhe Real Madridit, edhe Bayern Munich është përmendur si i interesuar për Guéhin. Megjithatë, klubi bavarez beson se Liverpool është shumë përpara në garën për mbrojtësin anglez.

Ndërkohë, Real Madridi duket se është tërhequr nga kjo garë, duke i konsideruar kërkesat e lojtarit si tepër të larta.