Zejnullai para ndeshjes historike të Shkendijës: Jemi gati të japim gjithçka!

Shkëndijen e Tetovës e pret ndeshja e fundit në fazën e grupeve në Conference League në futboll.

Nesër (21.00) në Larnaca takohen me ekipin qipriot AEK.

Një nga lojtarët më të mirë të Shkendijës, 26-vjeçari Arbin Zejnullai, është gjithashtu i vetëdijshëm për këtë.

“Kjo është një ndeshje historike për ne dhe të gjithë jemi gati të japim maksimumin në fushë për të arritur një rezultat pozitiv me të cilin do të vazhdojmë në Evropë”, tha Zejnullai.

"AEK është një kundërshtar vërtet i fortë, një ekip shumë i përgatitur taktikisht.

Ata gjithashtu kanë rezultate të shkëlqyera në Evropë, por ne duhet ta shohim lojën tonë.

Nëse luajmë ashtu siç dimë dhe jemi në gjendje, sigurisht që besojmë në sukses”, - tha futbollisti.