Mbappe një hap larg rekordit

Kylian Mbappe vazhdon sezonin e jashtëzakonshëm me Real Madrid, duke shënuar golat e tij të 57-të dhe 58-të të vitit 2025 në fitoren ndaj Talaveras.

Me këto shifra, ylli francez ndodhet vetëm një gol larg rekordit të Cristiano Ronaldos për më shumë gola të shënuar në një vit kalendarik me fanellën e Real Madrid.

Rekordi aktual mbahet nga Ronaldo, i cili në vitin 2013 realizoi 59 gola në të gjitha kompeticionet me klubin madrilen, shifër që mbetet më e larta në historinë e “Los Blancos”.

Mbappé tashmë e ka barazuar edhe një tjetër rekord të CR7 (58 gola në 2012) dhe ka mundësinë ta thyejë përfundimisht këtë fundjavë, në ndeshjen e fundit të vitit kundër Sevillas.

Francezi ka një statistikë pozitive ndaj Sevillas, pasi ka shënuar në të dy përballjet e mëparshme, gjë që e rrit besimin se rekordi mund të arrihet.

Aktualisht, Mbappé është lojtari kryesor i Real Madrid, përpara Vinicius Junior dhe Jude Bellingham, pas një përshtatjeje të suksesshme në “Bernabéu”.

Mbappé nuk e ka fshehur kurrë adhurimin për Ronaldon, duke e quajtur atë idhullin dhe referencën kryesore në historinë e Real Madrid. Megjithatë, ndonëse është pranë thyerjes së një rekordi të rëndësishëm, ai ka ende një rrugë të gjatë për të arritur shifrat totale të CR7, i cili shënoi 450 gola në 438 ndeshje me Real Madrid.

Fundjava ndaj Sevillas mund të shënojë një moment historik për Mbappé, duke e vendosur atë zyrtarisht mbi legjendën Cristiano Ronaldo në një nga rekordet më prestigjioze të klubit madrilen.