Ludovic Magnin: Shumë njerëz kanë një përshtypje të gabuar për Xherdan Shaqirin!

Pas katër penalltive të humbura, FC Baseli më në fund shënoi nga penalltia kundër Luzernit në fitoren me rezultat 2:1, në kuadër të javës së 18-të të elitës së futbollit zviceran.

“Edhe pse Xherdan Shaqiri humbi një tjetër përpjekje (penallti) më parë, ai mori lëvdata të larta nga trajneri Ludovic Magnin.

Vetë Ludovic Magnin nuk mund ta shpjegojë plotësisht veprimin e tij. Kur Koba Koindredi e vendosi topin në pikën e penalltisë kundër Luzernit (2:1) me një çerek ore të mbetur, trajneri i FC Baselit i ktheu shpinën fushës”, shkruan mediumi zviceran “Blick”.

Në Luzern, Xherdan Shaqiri gjuajti nga penalltia mbi portë. 

"Edhe para penalltisë së parë, mendova se ishte e pamundur që të humbisnim përsëri", - tha Magnin.

Megjithatë, fakti që Koindredi ishte ai që i dha fund problemeve të Baselit me penalltitë, nuk e habiti.

"E njoh Kobën prej vitesh dhe e di sa i mirë është", - tha Magnin.

Menjëherë pas përfundimit të ndeshjes, Magnin dhe Xherdan Shaqiri që u zëvendësua u përqafuan në stol.

"Ai është kapiteni im dhe ne kemi një marrëdhënie shumë të mirë", - tha Magnin më pas.

Vetëm pse e la Shaqirin në stol, siç bëri tre ditë më parë kundër Lausannes, nuk do të thotë se ka ndonjë armiqësi - edhe nëse ndonjëherë interpretohet ndryshe nga jashtë. Magnin tha:

"Shumë njerëz kanë një përshtypje të gabuar për Shaqirin. Ai është një njeri me zemër në vendin e duhur".