Legjenda e ‘Los Blancos’: Barcelonës sot do t’i blija Pedrin për Realin

Legjenda e Real Madridit, Marcelo, ka zgjedhur Pedrin si lojtarin që ai do ta transferonte te “Los Blancos” nga Barcelona.

Braziliani u shpreh: 

“Për momentin do të firmosja me Pedrin për Real Madridin. Ai ka disa nga cilësitë e një lojtari të Realit.

Të gjithë do të thoshin Lamine, por unë mendoj se Pedri do të ishte një transferim më i mirë.”

Në moshën 23-vjeçare, Pedri tashmë është afirmuar si një nga mesfushorët më të mirë në historinë moderne të Barcelonës, falë një vazhdimësie të jashtëzakonshme dhe magjisë që shfaq në fushë.

I konsideruar sot si një nga mesfushorët më të mirë në botë, Pedri do të ishte titullar pothuajse në çdo ekip, e aq më tepër edhe te rivali i përjetshëm, Real Madrid.

Për një skuadër si Reali, një lojtar me cilësitë e Pedrit do të sillte më shumë kontroll loje dhe kreativitet në mesfushë.