Gnabry pranë rinovimit me Bayernin

Serge Gnabry është shumë pranë zgjatjes së kontratës me Bayernin, me marrëveshjen e re që pritet të jetë e vlefshme deri në qershor të vitit 2028.

Sipas raportimeve, mbeten vetëm disa detaje për t’u sqaruar, përpara se firma të hidhet zyrtarisht.

Një nga pikat që po diskutohet lidhet me mundësinë e përfshirjes së një opsioni për një vit shtesë, që do ta mbante anësorin gjerman në “Allianz Arena” deri në vitin 2029.

Bisedimet mes drejtuesve të Bayern-it dhe përfaqësuesve të lojtarit kanë avancuar pozitivisht gjatë javëve të fundit, duke u mbështetur edhe në marrëveshjet e mëparshme për aspektin financiar.

Klubi bavarez e konsideron Gnabry-n si një pjesë të rëndësishme të repartit ofensiv, pavarësisht konkurrencës së fortë dhe problemeve me dëmtimet që ka pasur së fundmi. Kontrata aktuale e tij skadon në vitin 2026, ndaj rinovimi do të garantonte vazhdimësi, eksperiencë dhe stabilitet në fazën sulmuese për sezonet e ardhshme.

Nëse gjithçka shkon sipas planit, Gnabry do të vazhdojë të jetë një nga shtyllat e Bayern Munich edhe në vitet në vijim.