I bllokuar: Hugo Souza i zgjedhur për të ardhmen

“Rossonerët”, e kanë identifikuar brazilianin si pasardhësin e Maignan, rinovimi i kontratës së të cilit është ende i bllokuar.

AC Milan tashmë e ka identifikuar pasardhësin e Mike Maignan.

Negociatat për rinovimin e kontratës së portierit francez aktualisht janë të bllokuara, prandaj drejtori sportiv Igli Tare tashmë po punon për të siguruar pozicionin e tij në rast të një transferimi të lirë në qershor 2026.

Lista e menaxhmentit nga “San Siro”, përfshin emrin e Hugo Souza, një portier i lindur në vitin 1999, aktualisht në pronësi të Corinthians dhe fitues i fundit i Copa do Brasil. Ai duket të jetë i zgjedhuri për të zëvendësuar Maignan nëse nuk e rinovon kontratën e tij, pasi Spuza konsiderohet portieri më i talentuar aktualisht në Amerikën Latine.

Duke ardhur nga sistemi i të rinjve të Flamengo, ai mbërriti në janar 2025 për 800,000 euro dhe siguroi një vend titullar këtë sezon, duke përfunduar me 26 ndeshje pa pësuar gol në 56 paraqitje.

Performancat e tij të shkëlqyera kanë tërhequr interes nga shumë klube evropiane dhe më gjerë, prandaj konkurrenca për ta rrëmbyer atë nga Corinthians është e ashpër. Kjo fillon me çmimin e tij, i cili vlerësohet të jetë midis 10 dhe 15 milionë euro.

Ky është sigurisht një çmim që Milani mund ta përballojë, por së pari do të duhet të bindin klubin brazilian, i cili po shfrytëzon kontratën e tij deri në dhjetor 2028. Nëse marrëveshja më në fund arrihet, ai do të jetë trashëgimtari i Maignan te Milani.