Manchester United bisedime me mesfushorin portugez

Skuadra e Manchester United po planifikon lëvizjet e tij të ardhshme për merkaton e janarit.

Fokus i veçantë për “djajtë e kuq” do të jetë mesfusha.

Sipas mediave britanike, klubi i Manchester United ia kanë vënë syrin Ruben Neves.

Portugezi ka një kontratë me Al-Hilal deri në qershor 2026.

Gjithsesi, ai mund të largohet nga Arabia Saudite që në janar nëse nuk arrihet një marrëveshje për zgjatjen e kontratës.

28-vjeçari ka luajtur edhe më parë në Premier League, me Wolves, ndaj për të ky do të ishte një rikthim.

Për momentin palët janë ende në bisedime.