Papa Leo bën thirrje për ‘guxim’ për t’i dhënë fund luftës në Ukrainë në fjalimin e parë të Krishtlindjeve

Papa Leo i ka kërkuar Ukrainës dhe Rusisë të gjejnë “guximin” për të zhvilluar bisedime të drejtpërdrejta për t’i dhënë fund luftës gjatë fjalimit të tij të parë të Krishtlindjeve para turmave në sheshin e Shën Pjetrit, ka raportuar BBC.Ai bëri thirrje për t’i dhënë fund konflikteve në të gjithë botën gjatë fjalimit të tij Urbi et Orbi, i cili tradicionalisht mbahet nga Papa në Ditën e Krishtlindjeve para besimtarëve të mbledhur në Qytetin e Vatikanit.

Duke folur për Ukrainën, Papa tha: “Uroj që zhurma e armëve të ndalet dhe palët e përfshira, me mbështetjen dhe angazhimin e bashkësisë ndërkombëtare, të gjejnë guximin për t’u angazhuar në një dialog të sinqertë, të drejtpërdrejtë dhe respektues.”

Lutja e tij vjen ndërsa negociatat e udhëhequra nga SHBA-të për një marrëveshje për t’i dhënë fund luftimeve vazhdojnë.

SHBA-të kanë kërkuar të arrijnë një marrëveshje të pranueshme për të dyja palët, por bisedimet e drejtpërdrejta midis Rusisë dhe Ukrainës nuk kanë ndodhur gjatë këtij raundi të fundit të përpjekjeve diplomatike.

Papa Leo gjithashtu kritikoi trazirat dhe konfliktet që kanë prekur pjesë të tjera të botës, përfshirë Tajlandën dhe Kamboxhian, ku përleshjet vdekjeprurëse kufitare kanë shpërthyer pavarësisht një armëpushimi në korrik.

Ai kërkoi që “miqësia e lashtë” midis kombeve të Azisë Juglindore të rivendoset dhe “të punohet drejt pajtimit dhe paqes”.