Bekim Balaj drejt thyerjes së rekordit

Vllaznia fitoi 3-2 ndaj Flamurtarit dhe u rikthye te 3 pikët pas 6 javësh.

Por jo vetëm kaq, kjo sfidë riktheu edhe Bekim Balajn te golat.

Kapiteni i shkodranëve shënoi dopietë për t’i dhënë fitoren të tijve. Me këtë gol sulmuesi arrin në kuotën e 10 golave në 18 ndeshje kampionat, duke kryesuar listën e golashënuesve.

Tashmë 34-vjeçari po shkon drejt thyerjes së rekordit personal.

Sezonin e kaluar e mbylli me 19 gola, teksa në këtë sezon pas 18 javësh ka shënuar 10 gola.

Është edhe pjesa e dytë e sezonit për t’u zhvilluar dhe mundësia për të arritur këtë rekord personal është shumë real, por gjithsesi mbetet të shihet se çfarë do të ndodhë në javët në vazhdim.