Gazeta ruse: Putin “i hapur” për shkëmbim territoresh jashtë Donbasit, por këmbëngul për kontroll të plotë mbi rajonin

Vladimir Putin u duk i hapur për shkëmbimin e disa territoreve të kontrolluara nga forcat ruse në Ukrainë, duke këmbëngulur se dëshiron të gjithë Donbasin, ndërsa foli me biznesmenë të lartë rusë, sipas një raporti në gazetën ruse Kommersant për Kremlinin, tha se Putin i informoi biznesmenët e lartë mbi detajet e planit në një takim vonë natën në Kremlin më 24 dhjetor.

“Vladimir Putin pretendoi se pala ruse është ende gati të bëjë lëshimet që bëri në Anchorage. Me fjalë të tjera, ‘Donbasi është i yni’”, raportoi Kommersant, një nga gazetat kryesore të Rusisë.

Në thelb, Putin dëshiron të gjithë Donbasin, por jashtë atij rajoni “një shkëmbim i pjesshëm territoresh nga pala ruse nuk përjashtohet”, shkroi Kolesnikov. Rusia kontrollon të gjithë Krimenë, të cilën e aneksoi në vitin 2014, rreth 90 përqind të Donbasit, 75 përqind të rajoneve të Zaporizhias dhe Khersonit dhe pjesë të rajoneve të Kharkivit, Sumit, Mykolaivit dhe Dnipropetrovskit, sipas vlerësimeve ruse. Putin tha më 19 dhjetor se beson që një marrëveshje paqeje duhet të bazohet në parimet e kushteve që ai vendosi në vitin 2024. Ukraina tërhiqet nga rajonet e Donbasit, Zaporizhias dhe Khersonit dhe Kievi heq dorë zyrtarisht nga qëllimi i saj për t’u bashkuar me NATO-n.

Sipas Kommersant, Putin ngriti gjithashtu çështjen e termocentralit bërthamor Zaporizhia, më i madhi në Evropë, gjatë takimit të tij me biznesmenët. Putin, sipas Kommersant, tha se po diskutohet menaxhimi i përbashkët ruso-amerikan i termocentralit bërthamor.