Shkëndija mund të mbetet pa Caken, e kërkojnë në Rusi!

Kampioni aktual i Maqedonisë, skuadra e Shkëndijës, mund të mbetet pa njërin nga lojtarët e saj kryesorë, Klisman Cake, i cili është në rrugën e tij për t’u transferuar në Rusi.

Sipas “xmksport”, Klisman Cake është shumë afër nënshkrimit me një klub nga Rusia që luan në ligën më të fortë të këtij vendi.

Cake ka qenë lojtari më i mirë i Shkëndijës këtë sezon, kështu që ka rënë në sy të ekipeve të huaja.

Sipas “Transfermarkt”, ai është gjithashtu lojtari më i shtrenjtë i ekipit të Tetovës, vlera e tij vlerësohet në 700,000 euro. Shkëndija me siguri do të përpiqet të përfitojë më shumë se kjo shumë.