Ramadani akuzon Nico Pazin

Ylber Ramadani(Lecce) foli në konferencën për shtyp pas ndeshjes me Comon, të humbur me rezultatin 0-3 në Via del Mare, duke komentuar në veçanti incidentin e ndodhur në momentin e golit të 0-1, të shënuar nga Nico Paz pas një kontakti të dyshimtë me mesfushorin shqiptar.

“Më dhemb ende fytyra, gjyqtari as nuk e shkoi te VAR, nuk jam nga ata që rrëzohen lehtë.

Para golit të dytë u thashë djemve se ishim në momentin tonë më të mirë, por rezultati 0-2 na rrëzoi.

Deri në atë pikë ishim në lojë, nën presion të madh, tifozët na shtynin”.

“Të humbasësh në këtë atmosferë është edhe më keq.

Kundër Lazios na u hoq një gol për shumë më pak, sepse në atë rast prekja ishte në gjoks, më goditën në fytyrë. Për ne, çdo ndeshje është ndeshja e jetës sonë”.