Gerard Pique befason?

Gerard Pique raportohet se është gati të rikthehet nga pensionimi, tre vite pasi i kishte varur këpucët në gozhdë.

Pique, 38 vjeç, është një nga lojtarët më të mirë të brezit të tij, duke luajtur për klube si Manchester United, Zaragoza dhe Barcelona.

Spanjolli ka zhvilluar më shumë se 600 ndeshje me Barcelonën, duke shënuar 52 gola.

Ai ka fituar gjithashtu nëntë tituj të La Ligës dhe tre trofe të Ligës së Kampionëve të UEFA-s, ndër shumë të tjerë.

Në arenën ndërkombëtare, Pique u aktivizua 102 herë me përfaqësuesen e Spanjës, duke fituar një herë Kampionatin Evropian dhe Kupën e Botës.