Po luante me dhuratat e Krishtlindjes në oborrin e shtëpisë së saj, 2-vjeçarja ndërron jetë tragjikisht

Një 2-vjeçare u mbyt në pellgun e oborrit të shtëpisë ditën e Krishtlindjeve.

Isobel Maxwell po luante me lodrat e saj të reja në shtëpi kur të tjerët papritmas kuptuan se ajo mungonte. Ata nxituan jashtë për të zbuluar se ajo kishte rënë në pellg dhe ishte pa ndjenja. Pasi e nxorën, ata kryen CPR derisa mbërriti një ambulancë, por mjekët tragjikisht nuk ishin në gjendje ta shpëtonin.

Tamara, e cila është shtatzënë me fëmijën e tyre të dytë, tha se donte që njerëzit ta kujtonin Isobel “për vajzën magjike që ishte dhe aventurën dhe zjarrin që kishte në shpirtin e saj dhe sa shumë dritë solli, jo për vdekjen e saj të trishtuar.”

“Ne do ta rrisim vëllain e saj të vogël në të njëjtën mënyrë dhe ai do ta dijë se ka një motër dhe se ajo është dhe do të vazhdojë të jetë e mrekullueshme”, tha ajo.

Tragjedia ndodhi në Doncaster, South Yorkshire, pasi Isobel dhe të tjerët kishin hapur dhuratat e tyre. Prindërit e saj nuk e kishin instaluar vetë pellgun, ai ishte tashmë aty. Ishte rrethuar për t’u siguruar që ishte e sigurt, por Isobel arriti të hynte në të dhe ra brenda ndërsa pjesa tjetër e familjes ishte brenda.