Alonso ka vetëm një dëshirë

Edhe pse është thënë vazhdimisht në javën e fundit se Real Madrid nuk do të bëjë asnjë përforcim gjatë merkatos së janarit,

Xabi Alonso mendon ndryshe. “Cadena COPE” zbulon se trajneri bask ka kërkuar nga drejtuesit e Real Madridit vetëm një përforcim në këtë afat kalimtar të merkatos dimërore.

Bëhet fjalë ëpr Ruben Neves, mesfushorin difensiv portugez, i cili është pjesë e Al-Hilal, por kontrata e tij skadon në qershor të këtij viti dhe ai nuk ka pranuar rinovimin.

Për të mos dalë i humbur plotësisht, klubi arab është i gatshëm të lejojë largimin e portugezit drejt Madridit për një shifër rreth 15 milionë euro.

Sipas raportimit në fjalë, Real Madrid nuk ka ndërmend të shpenzojë këtë merkato, por mund të kërkojë huazimin e lojtarit deri në fund të sezonit dhe të mbulojë rrogën e tij të plotë.