Shqiptari spikat në Angli, i treti me më shumë kontribute për gola

Futbollisti Anis Mehmeti është një nga elementet më të spikatur të këtij sezoni në Championship (Liga e Dytë e Anglisë).

Lojtari shqiptar po zhvillon një kampionat mjaft pozitiv me fanellën e Bristol City-t.

Deri më tani, Mehmeti ka shënuar 8 gola dhe ka dhënë 6 asiste.

Gjithsej kemi të bëjmë me 14 kontribute për gol për futbollistin 24-vjeçar.

Një shifër kjo që e rendit atë të tretin në listën e lojtarëve me më tepër kontribute për gol në Championship.

Më lart se ai qëndrojnë vetëm Sorba Thomas dhe Adam Armstrongu, të dy me nga 15 kontribute për gol.