Allegri ka shpjeguar mënyrën se si e sheh rolin e trajnerit

Në prag të ndeshjes kundër Genoa, Massimiliano Allegri ka shpjeguar mënyrën se si e sheh rolin e trajnerit: “Kur kam filluar, jam përpjekur të mësoj dhe të kopjoj më të mirët, ata që kanë fituar. Kam kuptuar se në futboll nuk ekziston një metodë e vetme për të fituar, përndryshe të gjithë do ta përdornin”.

Sipas Allegrit, lojtarët kanë karakteristika të ndryshme dhe detyra e trajnerit është t’i vendosë në mënyrë të thjeshtë, në kushtet për të bërë mirë: “Si bëhesh trajner?

Nuk e di, është e pashpjegueshme.

Është më e thjeshtë nga sa duket.

Edhe trajnerët janë të ndryshëm nga njëri-tjetri.

Ajo që ka rëndësi në jetë është rezultati, pastaj mënyra se si arrihet… Ka shumë metoda për të fituar, nuk ekziston një e vetme. Kjo vlen edhe në tenis, në të gjitha sportet”.

Duke komentuar mendimin e Dan Peterson, u shpreh plotësisht dakord: “Një trajner duhet të dijë të bëhet edhe i dashur, edhe i urryer, duke qëndruar gjithmonë tre hapa pas lojtarëve”.