Moriero pas eliminimit të Flamurtarit nga Kupa: Ishim shumë të pafat

Trajneri i Flamurtarit, Françesko Moriero, ka theksuar se ekipi bëri gjithçka për të kaluar në Kupë, por u eliminua nga episode që ai i cilësoi të pafat.

“Skuadra sot luajti një ndeshje shumë të madhe.

Kaluam nga një situatë e fitoreje e mundshme te humbja, por marr në shtëpi një paraqitje të rëndësishme të djemve.

Djemve u kërkoj paraqitje maksimale gjithmonë, pastaj një ndeshje e vendos gjithmonë episodi. Sipas meje sot ishim shumë të pafat, djemtë kanë bërë një ndeshje të madhe.

Sa i përket trajnerit, për atë që japin djemtë në fushë, jam besimplotë. Rezultatin nuk e kapërdij se meritonim shumë më shumë sot.

Europa? Sot kemi bërë gjithçka për të fituar, e keni parë që djemtë kanë bërë një paraqitje të rëndësishme. Ndjej keqardhje për djemtë, që nuk vazhduam në Kupë.

Jam i bindur se që kur kam ardhur, skuadra është rritur, ka luajtur, ka qenë e disiplinuar”, tha Moriero për RTSH në fund të ndeshjes.