KF Shkëndija nga Haraçina përforcohet

Drejtuesit e Shkëndijës nga Haraçina kanë sjell një përforcim të ri dhe të madh. Bëhet fjalë për mbrojtësin e majtë, Hadis Tairi, i cili vjen nga radhët e Struga Trim Lum.

Me këtë përforcim, Shkëndija shpreh qartë aspiratat e saj për renditjen më të lartë dhe hyrjen në Ligën e Parë. Ekipi nga Haraçina e përfundoi gjysmësezonin e vjeshtës në vendin e dytë, menjëherë pas liderit, “Ohrid”.

“Hadis Tairi pjesë e klubit tonë.

Klubi ynë ka kënaqësinë të njoftojë arritjen e marrëveshjes me futbollistin Hadis Tairi, i cili i bashkohet ekipit tonë si mbrojtës i majtë.

Tairi vjen nga FC Struga, ekip me përvojë dhe standarde të larta konkurruese, duke sjellë me vete disiplinë taktike, siguri në fazën mbrojtëse dhe kontribut të vazhdueshëm në krahun e majtë.

Me këtë përforcim, klubi vazhdon të ndërtojë një skuadër të balancuar dhe konkurruese, në funksion të objektivave tona sportive”, njofton klubi.