Dimri polar gjunjëzon edhe Rusinë, stuhi dhe viktima! Dëbora arrin deri te katet e dyta të banesave, shikoni pamjet…

Dy persona kanë vdekur nga një stuhi dëbore që përfshiu Gadishullin Kamchatka në Lindjen e Largët të Rusisë, ku shtëpitë dhe rrugët u mbuluan nga dëbora dhe autoritetet lokale shpallën gjendje të jashtëzakonshme.

Imazhet e transmetuara nga mediat ruse tregojnë sasi të mëdha bore që arrijnë deri në katin e dytë të ndërtesave, në disa vende.Edhe pse reshjet e dendura të dëborës nuk janë të rralla në Lindjen e Largët Ruse, intensiteti i kësaj stuhie paralizoi një pjesë të qytetit të Petropavlovsk-Kamchatsky, duke e detyruar kryetarin e bashkisë të shpallë gjendje të jashtëzakonshme.

Dy persona vdiqën të enjten kur u shtypën nga blloqe të mëdha dëbore që binin nga çatitë e ndërtesave, njoftoi Sergei Lebedev, një zyrtar në Ministrinë ruse të Emergjencave.Shkollat ​​mbetën të mbyllura gjithë javën, ndërsa shumë biznese zbatuan punën nga distanca. Rreth 150 kilometra rrjet rrugor në Gadishullin Kamchatka janë mbuluar nga një shtresë e trashë bore deri në 80 centimetra, sipas Ministrisë së Mbrojtjes Ruse, e cila ka dërguar ushtarë për të ndihmuar punën e ekipeve.

Mediat lokale raportojnë se buka, vezët dhe qumështi janë të vështira për t’u gjetur në dyqanet ushqimore.

Zyrtarët, nga ana e tyre, ia atribuojnë mungesat pamundësisë për të furnizuar disa dyqane për shkak të rrugëve të bllokuara.

Yulia Marozova, një zëdhënëse e qeverisë rajonale, siguroi se furnizimet në treg do të riktheheshin gradualisht ndërsa rrugët do të rihapeshin.